Este pasado sábado, 5 de Abril se celebró la fiesta del árbol con un emotivo homenaje al tristemente desaparecido y presidente de la asociación cultural O Pasatempo “Ramiro González Rivas”, fiesta que dicha asociación celebra todos los años con numerosas actividades para los niños y mayores, que concluye plantando un árbol.
Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate
Celebraranse os días 30 de abril, 1, 2, e 3 de maio en Mondoñedo
A CANTANTE PAULA ROJO E O PREGÓN DE FRAN BOUSO PROTAGONISTAS DAS QUENDAS 2014
Tamén haberá a tradicional Festa da empanada, Feira Anual e exhibición de hípica
O concerto da televisiva Paula Rojo celebrárase no Auditorio o dia 3 maio e as entradas que terán un importe de 10 euros, serán reservadas mediante un telefono que a organización facilitara no seu momento
O pregoeiro mindoniense Fran Bouso destaca por ser un auténtico dinamizador da vida cultural de Mondoñedo
A Comisión Organizadora das festas anuncia que esta traballando en novos proxectos que se irán anunciando en vindeiras datas
Mondoñedo (Lugo), 3 de abril de 2014. A tradicional feira das Quendas de Mondoñedo celebrárase os días 30 de abril e 1, 2 e 3 de maio e contara con dous grandes protagonistas por un lado o mindoniense Fran Bouso será o pregoeiro desta nova edición das festas mindonienses, e por outro a actuación da televisiva cantautora asturiana Paula Rojo. Ademais a Comisión das Quendas anuncia que esta traballando en novos proxectos que se iran anunciando en vindeiras datas.
A comisión organizadora das Festas das Quendas quere subliñar de Fran Bouso “o compromiso fiel e desinteresado que sempre amosa por Mondoñedo. Para nosoutros é un autentico orgullo que este ano sexa o pregoeiro porque o seu traballo a prol de Mondoñedo e dos mindonienses é un autentico exemplo para todos nos”, explicou Miguel Souto Presidente da Comisión Organizadora.
O mércores dia 30 de abril comeza as festas co pregón de Fran Bouso e a Orquestra Satélites. O xoves 1 de maio celebrarase a feira anual no Campo dos Paxariños, festa da empanada na Alameda dos Remedios, e o ritmo musical correra a cargo da Orquestra Trebol. O venres 2 de maio actúa a orquestra Principal.
Para rematar as Festas das Quendas 2014 o sábado dia 3 de maio haberá exhibición de hípica (concurso de salto) que se celebrará no recinto da Granxa, actuación na Alameda dos Remedios da Orquestra Los Players e o concerto estelar no Auditorio de Mondoñedo da cantante de Paula Rojo.
Fran Bouso un pregoeiro dinamizador da vida cultural de Mondoñedo
Fran Bouso. Mondoñedo (1976). Mestre; colaborador de diversos medios de comunicación; dinamizador cultural, foi técnico de Cultura, Prensa e Protocolo do Exmo. Concello de Mondoñedo; antigo directivo da Asociación Cultural “Leiras Pulpeiro” e secretario da A. C. “Monfadal”; clarinetista na Banda de Música “Pascual Veiga” de Mondoñedo e colaborador da Orquestra de Cámara de Xove. Formou parte do Orfeón da Sociedade de Obreiros e do Coro Municipal de Monforte de Lemos. Membro do comité executivo de Feiramostra “As San Lucas”. Coordinador do Grupo Literario Leiras Pulpeiro.Actualmente traballa no C.E.I.P. de San Clodio (Ribas de Sil).
Actuación da televisiva Paula Rojo nas Quendas
A cantante asturiana Paula Rojo (Oviedo, 1990), presentará nas Quendas o seu álbum debut “Érase un sueño”. A cantautora asturiana de country e pop acadou popularidade trala súa participación na primeira edición do programa de televisión musical La voz (España), emitido por Telecinco. Rojo colaborou con músicos como Ramón Arroyo (Los Secretos), Juan Carlos Fuguet, Raúl Márquezo do grupo”The Wild Horses”. O concerto celebrárase no Auditorio de Mondoñedo, o dia 3 maio, e as entradas que terán un importe de 10 euros, serán reservadas mediante un telefono que a organización facilitara no seu momento.
Para mais información Miguel Souto: 669 385 744
(Presidente da Comisión Organizadora das Festas)
Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate
“FESTA DA ÁRBORE”
(adicada a Ramiro González Rivas)
Coma tódolos anos dende a Asociación Cultural O Pasatempo queremos celebrar a chegada da primavera con unha xornada de actividades para pequenos e maiores que terán lugar o vindeiro sábado día 5 de abril en Mondoñedo.
A partir das 11 da mañá na Praza Jaime Cabot (Alcántara) de Mondoñedo inicianse as actividades para nenos e nenas de tódalas idades con globoflexia e pintura facial. Dende as 11:30 celebraranse xincanas infantís e xogos populares para todas as idades coa colaboración do técnico de deportes do concello Raúl González-Redondo. Haberá varias tandas de participantes divididos por idades. Finalmente arredor das 13:30 plantarase a árbore na propia Praza Jaime Cabot acompañando o acto con música. Ademais, durante toda a mañá estarán expostos os debuxos participantes no “III Concurso de Debuxo da Árbore”, realizado no CEIP Álvaro Cunqueiro e na Gardería Galiña Azul de Mondoñedo, de onde sairon os 2 debuxos gañadores para ser o cartel da festa.
A edición deste ano honra ó tristemente desaparecido presidente da Asociación Cultural O Pasatempo, Ramiro González Rivas, adicandolle cunha placa a árbore plantada na festa.
Como curiosidade, recordar que foi en Mondoñedo onde se celebrou a primeira Festa da Árbore de Europa o 4 de febreiro do ano 1569 sendo rexedor Luis de Luaces, o cal ordenou plantar árbores frutais na hoxe Alameda dos Remedios baixo pena de multa a quen non o cumprise. Para celebralo, trala plantación, ofreceu a todolos veciños unha comida campestre.
Organiza: A.C. O Pasatempo
Colabora: Concello de Mondoñedo
Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate
Na primeira fin de semana de abril (4, 5 e 6 abril), O Pasatempo celebrará a “II Xornada de curtametraxes O Pasatempo” para novos creadores, complementada cuns videos recopilatorios da cidade de Mondoñedo. Asistir a calquera destas proxeccións será gratuíto.
Por unha banda, ponse en marcha a “II Xornada de Curtametraxes O Pasatempo” que se desenvolverá o sábado 5 de abril no Salón de Actos da Casa da Cultura de Mondoñedo a partir das 7:30 da tarde. Nesta xornada proxectaranse varias curtametraxes, de entre 5 e 22 minutos, sobre diferentes temáticas. Os proxectos audiovisuais están realizados por Gaitafilmes e Producciones de fin de semana; xoves creadores de Mondoñedo, Meira e outros lugares de Galicia. Éste sábado poderase ver “Simón”, “O Paquete”, “A Porta” e “Dous días dicen”, obras de Gaitafilmes; o documental “XV Mercado medieval de Alfoz” de Producciones de fin de semana; e “Bos días” e “Sálvame!”. Cabe destacar a presenza de varios membros de Gaitafilmes, que farán unha breve charla das súas curtas nesta II Xornada, asi como da primeira longametraxe “Dhogs” que están a preparar.
Complementando esta “II Xornada de Curtametraxes O Pasatempo” e tamen no Salón de Actos da Casa da Cultura de Mondoñedo, o venres 4 de abril ás 8 da tarde proxectarase o video “Calquer día en Mondoñedo…”parte 1, e o domingo 6 de abril ás 7:00 da tarde “Calquer día en Mondoñedo…”parte 2, video de creación propia da Asociación Cultural O Pasatempo (autor: José Luis Fernández “Keno”) e no que se recompilan de forma moi amena diversos videos da historia mindoniense, principalmente da década dos ´90 e 2000, incluindo algún da decada dos ´50 recuperados do NODO.
Convidámolos a todos a achegarse e compartir con nós as actividades que O Pasatempo preparou para este primeiro fin de semana de abril.
+ INFORMACIÓN:
Simón (2007)
Sinopse: Simón é diferente ós demais, case non ten amigos e dende pequeno vive atemorizado. O seu avó sempre lle dicía: “algún día alguén virá… virá e levaravos a todos, tan só se salvará aquel que permaneza baixo a auga Simón, baixo a auga…”.
Produción: Andrés Goteira, Suso López e Adrián Folgueira.
Dirección: Andrés Goteira.
Premios: II Premio no Certame Audiovisual da Universidade de Vigo.
O Paquete (2009)
Sinopse: A comezos dos anos setenta, nunha pequena fronteira no medio de ningures, un rapaz portugués transporta día tras día un misterioso paquete cara o outro lado da fronteira.
Produción: Andrés Goteira, Suso López e Adrián Folgueira.
Dirección: Andrés Goteira.
Premios: Premio á mellor curta de ficción no festival CURTANAREDE’09. Nomeado a mellor dirección e mellor montaxe.
A Porta (2010)
Sinopse: No sepulcral silencio da madrugada escóitanse golpes na porta dunha casa illada, o medo, a preocupación e a intriga apodéranse do seu habitante mentres unha estraña visita o leva a unha desconcertante situación.
Produción: Andrés Goteira, Suso López, Laura Doval e Ana García.
Dirección: Andrés Goteira.
Premios: Premios á mellor curta, mellor curta en galego e mellor actor de ATODAMECHA en OFESTIVALON’10. Finalista no Liceo Casino Xacobeo’10 do Curtasfilmfest de Vilagarcía.
DOUS/DÍAS/DICEN (2010)
Sinopse: unha tenra e triste historia de amor que nos ensina que nunca é tarde para cumprir un soño.
Produción: Andrés Goteira, Adrián Folgueira e Laura Doval.
Dirección: Andrés Goteira.
Premios: gañador do Premio Lugo10 no I Concurso de Curtas e Maquetas da Fundación TIC.
XV MERCADO MEDIEVAL ALFOZ
Sinopse: Nun lugar chamado Alfoz, na terceira semana de Xullo, o Castro envolve coa súa maxia un exército de privilegiados. Veciños unidos por un soño: “Facernos ver cos ollos abertos aquelo que imaginamos con eles pechados…”
Produción: Producciones de fin de semana
Dirección: Miguel García Fernández e Álvaro Liste Fernández.
Imaxes aéreas: Garacopter
SÁLVAME!
Sinopse: Manuel é un home que ten dúas soidades. A soidade persoal e a soidade do artista (é un escritor mediocre). E, de repente, aparece ELA. “Sálvame!” non é unha historia de amor e desamor, son dúas historias de amor e desamor. A historia de un home e unha muller; e a dun escritor e o seu personaxe.
Produción: Jorge C. Dorado e Jesús De La Vega
Dirección: Javier Veiga.
BOS DÍAS
Sinopse: Ramón é un broker de bolsa moi particular ao que só o motivan dúas cousas, o sexo e os cartos.
Produción: Dani de la Torre.
Dirección: Dani de la Torre.
Premios: Premio ao mellor actor no festival de Cans (prov. Pontevedra, 2006). Premio á mellor curta en video na VIII Mostra de Curtas de Noia (2006).
Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate
As imaxes que se exhiben nesta exposición amosan distintas estampas da época como a Praza da Catedral de Mondoñedo, unha panadería, a rúa que vai cara a Argomoso dende os Muiños, a rúa San Roque, diversos alfareiros facendo pezas, unha muller vendendo pan na praza e un home cortando arbores.
Mondoñedo, 31 de marzo de 2014. “Esta mañá tiramos fotos da Catedral e dalgunhas escenas na rúa. Estamos enfeitizados por esta pintoresca vila de estreitas e sinuosas rúas e tendas limpas”, estas son as palabras que a fotografa Ruth Matilda Anderson ((Nebraska 1893-1983 Nova York) recolleu no seu diario sobre a súa visita a cidade episcopal en xaneiro do ano 1925.
Esta investigadora americana traia unha encargo baixo o seu brazo, documentar as costumes de España para a Hispanic Society of America, unha entidade con sede en Nova York adicada ao estudo da arte e a cultura española, latinoamericana e portuguesa.
Ruth Matilda Anderson realizaba esta viaxe acompañada de seu pai, o tamén fotógrafo Alfred Theodor Anderson. A investigadora americana realizou un total de 5 viaxes ao noso país, que comezaron en Marzo de 1923 e remataron o 17 de Novembro de 1930.
Dende este mes de abril o Bar O Porriño de Mondoñedo acolle unha exposición con oito fotografías que están recollidas no libro “Unha mirada de antano. Fotografías de Ruth Matilda Anderson en Galicia”, que publicou a Fundación Caixa Galicia no ano 2009.
As imaxes que se exhiben nesta exposición amosan distintas estampas da época como a Praza da Catedral de Mondoñedo, unha panadería, a rúa que vai cara a Argomoso dende os Muiños, a rúa San Roque, diversos alfareiros facendo pezas, unha muller vendendo pan na praza, e un home cortando arbores.
Segundo consta no libro da autora onde se recollen estas fotografías despois de visitar Mondoñedo, seguíu a sua ruta pola Mariña cara Lourenzá , Foz, Ribadeo e Viveiro.
Nova xerencia do Bar O Porriño
O Bar O Porriño ten un novo xerente, Jorge Santamarina Martínez que vai seguir ofrecendo os mesmos servicios como ata agora. “Vamos a seguir apostando pola cultura na nosa cidade e facer deste local un lugar aberto, dinámico e que sirva de plataforma para tódolos artistas e creadores que desexen un espazo para exhibir as súas obras. No Porriño tedes as portas sempre abertas”, dixo Santamarina.
EXTRACTO DO DIARIO DE RUTH MATILDA ANDERSON AO SEU PASO POR MONDOÑEDO-1925
Mondoñedo, 27 de xaneiro
Esta mañá tiramos fotos da Catedral e dalgunhas escenas na rúa. Estamos enfeitizados por esta pintoresca vila de estreitas e sinuosas rúas e tendas limpas.
Despois de cear fomos ata o Mosteiro e tivemos sorte de que o mozo que nos levaba as maletas fose ben rexo, xa que unha parte do camiño era unha empinada costa arriba. Todo o que puiden facer eu carrexarme a min mesma e mais o trípode. Un dos cregos falaba inglés e ensinoume o sitio. A vista desde o mosteiro era magnífica e fixemos unha ou dúas fotos para a miña xente coa cámara Ica. A colleita está en marcha e as leiras vense preciosas ao longo de todo o val desde este alto.
Teléfono de información Jorge Santamarina: 675 51 74 57
muller vendendo pan :
Os Muiños, carretera que vai a Argomoso :
Panaderia :
rua san roque :
Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate
Lleno total de la ciudad de Mondoñedo de moteros y visitantes para acudir a la concentración de motos que año tras año se convierte en una de las más importantes de Galicia , la plaza de la catedral acogió a centenares de personas donde se celebró la exhibición de trial ofrecida por el motoclub enduro de Mondoñedo , calles repletas , un tiempo pefepto , Emilio Zamora dándolo todo en la avda de Buenos Aires , cena , queimada , concierto de mc kuin y un largo etc para un fin de semana inolvidable en el que Mondoñedo vibró con los amigos de las dos ruedas .
Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate
