Vida municipal – Página 6 – Mindonium.es – el portal de todos los Mindonienses

Candia solicita financiamento ao Goberno central para a rehabilitación da rúa Lence Santar

Os deputados nacionais por Lugo rexistraron unha emenda aos orzamentos do Estado de 2016 co obxecto de que se concrete unha partida económica para atender a esta obra

Mondoñedo, 31 de agosto de 2015- A alcaldesa de Mondoñedo, Elena Candia, solicitou ao Goberno central financiamento para realizar actuacións de mellora na rúa Lence Santar, no casco histórico da localidade.En concreto, a alcaldesa tramitou a petición a través dos deputados nacionais por Lugo, que rexistraron unha emenda aos orzamentos de 2016, a través da que se solicitan que se concrete nunha partida orzamentaria o compromiso de iniciar estas actuacións.A emenda rexistrada polo Grupo Parlamentario do Partido Popular no Congreso dos Deputados inclúe a petición dun importe total de 200.000 euros da Dirección Xeral de Arquitectura, Vivenda e Solo, que permitirían iniciar os trámites de cara a realizar as obras necesarias nesta rúa.A alcaldesa explicou que esta emenda se debaterá a próxima semana no transcurso do debate en Comisión de emendas aos orzamentos. Candia quixo agradecer a dispoñibilidade e o traballo dos deputados nacionais para canalizar esta petición, que responde a unha demanda e a unha necesidade dos veciños.

Elena Candia gobernará Mondoñedo

Elena Candia será alcaldesa de Mondoñedo. La victoria del Partido Popular por mayoría absoluta provocará un cambio en la alcaldía de nuestra ciudad, dejando fuera a Orlando González, que gobernó durante 8 años.

Finalmente, el reparto de concejales entre las 4 fuerzas políticas queda de la siguiente manera: PP 6, BNG 3, PSOE 2, CG 0.

Volver a inicio

Mitin del PP en la casa da Xuventude

“Uns traballamos en positivo pactando cos galegos, outros traballan en negativo pactando entre eles”

. Aseguraron que se nas pasadas eleccións os galegos non quixeron un bipartito polo seu mal funcionamento, non poden querer agora un pentapartito

Mondoñedo, 14-10-2012.- Mondoñedo puxo o punto e final na maratoniana xornada de mítines dos populares na Mariña. A Presidenta do PP local e Voceira dos populares, Elena Candia, José Manuel Balseiro e Ana Pastor foron os encargados de intervir nunha casa da xuventude abarrotada de asistentes.

Resaltaron os populares a xestión de Alberto Núñez Feijóo, quen na mitade dunha crise económica sin precedentes foi quen de controlar as contas públicas, blindar o gasto social e manter un diferencial de paro por debaixo da media estatal.

Na casa da xuventude, Elena Candia, José Manuel Balseiro e Ana Pastor afirmaron que se no ano 2009 os galegos non quixeron un bipartito polo seu mal funcionamento, non poden querer agora un pentapartito.

“Fronte á opción do PP, temos un pentapartito, un conxunto de correntes políticas con ideoloxías distintas e que agora se unen cun único obxectivo: traballar, a base de enganos e manipulacións, contra o Partido Popular”-manifestaron.

Alertaron os populares do perigoso que sería un goberno destas características para Galicia e afirmaron que a diferenza destos partidos, cuxo único afán é traballar en contra do PP, “os populares traballamos en positivo, cun único obxectivo, que non é outro que a preocupación por Galicia e polos problemas dos cidadáns”- afirmaron.

Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate

Jose Blanco participou nunha cea mitin en Mondoñedo

OS SOCIALISTAS DIN QUE DESDE A CHEGADA DE FEIJOO Á XUNTA “GALICIA CADA VEZ VAI A PEOR”

Jose Blanco apelou ao “voto útil porque agora non é momento de aventuras”

Mondoñedo (Lugo), 12 de outubro de 2012. O ex Ministro de Fomento Jose Blanco asistiu onte en Mondoñedo a unha cea mitin. Ali dixo que “todo foi a peor desde a chegada de Feijóo e Rajoy “, por iso “apelou ao voto útil porque agora non é momento de aventuras”.

O deputado socialista no Congreso por Lugo e exministro de Fomento, José Branco, pediu “cambiar a un presidente que está na estratosfera”. Dixo que os galegos “poñeranlle os pés na terra o día 21 cando elixan a Pachi Vázquez”, insistiu

Afirmou que “Galicia necesita ambición de país para resolver os problemas, de sentirse galego para empuxar o crecemento da nosa economía e reforzar a nosa identidade”.

Blanco advertiu ao PP de que poderá “parar as obras, como está facendo, pero non o cambio, porque este responde á necesidade de “sacar a tarxeta roxa a Rajoy e a Feijóo”.

No acto tamén interveu o candidato socialista da Mariña Jose Ramon Val quen criticou os constantes incumprimentos de Feijoo e o PP coa Comarca. Por iso demandou mudar “o voto do sufrimento do PP polo do crecemento con Pachi Vázquez”.

Modesto Díaz agradeceu a Jose Blanco o seu traballo ao longo de todos estes anos “a cidade de Mondoñedo esta profundamente agradecida da súa xestión”, dixo. Advertiu que “votar ao PP é votar por pagar polos medicamentos, polo transporte escolar ou polos libros de texto, é votar contra ti mesmo” e apostou por “cobrar mais aos mais ricos e investir en universidades e ensino”.