Categoría: Actualidad

Os alcaldes Manuel Otero e Darío Cabaneiro destacan a importancia que terá conseguir o recoñecemento oficial desta festa cabalar, organizada por Puraga, para a promoción turística dos seus municipios

Os alcaldes de Mondoñedo, Manuel Otero, e da Pastoriza, Darío Cabaneiro, poñen mans a obra para impulsar a tramitación da declaración da Rapa das Bestas de Campo do Oso, no límite entre os dous municipios, como Festa de Interese Turístico Galego. Otero indica que xa se deu instrucións para a elaboración da documentación necesaria para a citada solicitude e, polo seu lado, Cabaneiro indica que de inmediato se empezará a traballar neste asunto.
Os dous alcaldes destacan que a declaración de Festa de Interese Turístico Galego pode ter gran relevancia para os dous concellos, dende o punto de vista turístico e, polo tanto, como elemento de dinamización das economías locais.
Tanto Otero como Cabaneiro poñen de relevo o aspecto cultural, no sentido máis amplo, da rapa das bestas e o crecente interese que esperta no público. Na máis recente edición, celebrada o pasado fin de semana, os organizadores xuntaron uns douscentos cabalos.

O terreo foi cedido polo Concello, segundo explicou no seu momento o alcalde, Manuel Otero

No proxecto, impulsado pola Axencia Galega da Industria Forestal, indícase que a Base, ademais de ser un espazo dedicado á defensa do monte, ten a vontade “de converterse nunha das iconas de Mondoñedo”

O orzamento de contrata que figura no proxecto ascende a 479.918 euros

A Concello acaba de conceder licencia para a construción no parque empresarial da Base Integrada de Unidades Operativas de Mondoñedo, promovida pola Axencia Galega da Industria Forestal, para a loita contra o lume e a protección do monte na área da Mariña. O orzamento de contrata das obras ascende a 479.918,65 euros.

En canto ao edificio en si, no proxecto sinálase: “Proponse a execución do centro coma un espazo dedicado á defensa do monte, pero tamén coa vontade de converterse nunha das iconas de Mondoñedo. Trátase de xerar un contedor de servizos de protección forestal, que poda funcionar como nodo de todos os axentes participantes nesta ardua laboura, favorecendo a conciliación entre descanso e traballo dos brigadistas, pero sen esquecer a integración nunha contorna tan sensible. Para minimizar o impacto dunha edificación, óptase por fragmentar o seu volume, en dúas ás diferenciadas, unha aberta, e outra consistente nun volume pechado. Outro dos mecanismos de integración é a inclusión de parasois emparrados e que voan sobre a paisaxe, minimizando o impacto do soleamento na área de comedor e descanso”.

O terreo no que se construirá a BUO é cedido polo Concello, segundo explicou no seu momento o alcalde, Manuel Otero.

As parcelas elixidas no polígono industrial pola empresa, de Huarte-Pamplona, son as números 17 e 18

O director xeral da Vicarli e o arquitecto da empresa estiveron xa en marzo en Mondoñedo e mantiveron unha entrevista co alcalde, Manuel Otero

A empresa Vicarli faise con terreos no polígono industrial para construír as instalacións necesarias para almacenamento e subministro de repostos de aeroxeradores para o mantemento de parques eólicos. Ademais, a empresa xa abonou a reserva para a almacenaxe. O goberno local expresa así a súa satisfacción pola decisión adoptada por esta empresa.
En concreto, os terreos cos que se fai a citada firma industrial son os números 17 e 18. Desta maneira, materialízase o interese demostrado por dita empresa, da que no pasado mes de marzo se desprazaron a Mondoñedo José Manuel Tejada Sáenz, director xeral, e o arquitecto desta firma, Javier Lana. Os dous representantes de Vicarli mantiveron entón unha reunión co alcalde, Manuel Ángel Otero Legide, coa arquitecta dos servicios municipais e o axente de Emprego e Desenvolvemento Local do Concello.
Creación de emprego
A intención da empresa é comezar en Mondoñedo cos 5 traballadores que tiña no pequeno almacén que utilizaba en Foz, e, a medida que mede o proxecto, ir incorporando persoal. Hai posibilidades de que chegue a ter 11 persoas de aquí a 3 anos.
Vicarli, situada en Huarte-Pamplona, ten dúas liñas de negocio: o transporte e a loxística. Na área do transporte, conta cunha frota de 150 camións, entre propios e externos. Pola súa banda, a actividade loxística abarca en total máis de 200.000 metros de almacén.

Mapa das parcelas

Os traballadores e traballadores de ECAR (ex-Finsa), en Mondoñedo celebraron esta sábado, a primeira unha xuntanza de confraternización cun xantar na Finca San Antonio, na que tamén se homenaxeou a antigos traballadores e traballadoras da fabrica mindoniense.
María Libertad Maseda Méndez, veciña e residente no Barrio de San Lázaro, foi a primeira muller que entrou a traballar en ECAR, por iso recibiu unha homenaxe dos seus compañeiros e compañeiras, que conta con 89 anos. “Todos gardarmos un grato recordo da nosa compañeira María, e aproveitamos esta cita para saudala e recordala con moito cariño”, sinalan dende a organización desta xuntanza. Outro dos traballadores homenaxeado, e que conta máis idade, foi Prudencio Muiño que ten 91 anos, veciño de Valiño. E Eva Vázquez Lema tamén recibiu unha mención como primeira muller que entrou en traballar na empresa FINSA.
“Celebramos esta reunión, para reencontrarnos, saber uns dos outros, rememorar a nosa historia laboral e familiar nesta empresa, porque alí traballamos moitos anos e vivimos moitas experiencias, e queriamos ter a oportunidade de xuntarnos e charlar para lembrarnos delas. Esta é a primeira xuntanza que celebramos, pero estamos seguros de que haberá moitas máis”, explican os organizadores.

Fotografías día grande de las Quendas

Pregón pronunciado por Valentín Insua Palacios

Fotografías de la comitiva desde el ayuntamiento hasta el Auditorio