Categoría: Actualidad

O Concello de Mondoñedo aprobará esta tarde unhas contas “realistas” que destinan máis de 540.000 euros a investimentos

O Goberno local do Concello de Mondoñedo aprobará no Pleno desta tarde os Orzamentos para 2016 que ascenden a 3,1 millóns de euros, unha contía superior a do ano anterior no que as contas foran prorrogadas polo anterior equipo de Goberno.

A rexedora, a popular Elena Candia, explica que se trata duns Orzamentos “realistas” nos que máis de 540.000 euros se destinan a investimentos. A partida na que o Goberno local concentra o seu esforzo é a de servizos sociais dotada con máis de 200.000 euros. “A nosa é unha aposta clara polos servizos sociais e pola atención ás persoas, polo que imos reducir todos aqueles gastos que consideremos superfluos”, sostén a alcaldesa.

Investimentos

Os investimentos previstos polo Goberno local inclúen a adquisición de maquinaria por valor de 65.000 euros, 30.000 euros para o POS e 90.000 euros para a mellora de camiños rurais. Tamén haberá recursos municipais para a rehabilitación da casa de Álvaro

volver

 

 

 

O Concello de Mondoñedo amplía nun mes o prazo de solicitude de axudas destinadas á rehabilitación de vivendas no casco histórico e barrios de San Lázaro e Os Muíños

O Concello de Mondoñedo amplía nun mes o prazo de solicitude de axudas públicas destinadas á rehabilitación de edificios e vivendas  situadas no casco histórico da localidade así como nos barrios históricos de San Lázaro e Os Muíños.

En concreto, a alcaldesa do municipio, Elena Candia, asinou esta mañá o decreto a través do que se acorda a ampliación do prazo, que comezará a contar a partir do día seguinte a data da súa publicación no Boletín Oficial da Provincia (BOP).

As bases reguladoras e a convocatoria de subvencións para a Área de Rexeneración e Renovación do Casco Histórico de Mondoñedo e Barrios Históricos de San Lázaro e Os Muíños publicáronse no BOP de 7 de decembro de 2015. Nelas establécense os criterios a cumprir para a concesión destas axudas enmarcadas no acordo de comisión bilateral asinado entre o Ministerio de Fomento, o Instituto.

volver

Mondoñedo estará presente no Salón Internacional de Turismo Gastronómico en Ourense

Mondoñedo estará presente no Salón Internacional de Turismo Gastronómico, que se celebrará en Ourense a próximo semana, entre os días 3 e 7 de febreiro. A alcaldesa da localidade, Elena Candia, promocionará nesta 17ª edición de Xantar os recursos turísticos da localidade, as súas festas e, sobre todo, o seus produtos gastronómicos. A alcaldesa invitará a empresarios para que a acompañen na cita e asistirán tamén representantes da Asociación Cultural As San Lucas, entre eles, o seu presidente Miguel Souto.

Candia explica que un dos principais obxectivos desta cita é o de promover o turismo a través da gastronomía, tendo en conta que “este é un dos principais atractivos para os que visitan a comunidade e en Mondoñedo contamos coa riqueza e calidade do noso pan, da nosa tarta e dos nosos produtos da horta”.

A alcaldesa indica que ademais da promoción da gastronomía, Xantar é tamén o punto de encontro de recursos turísticos, onde se poden coñecer os atractivos naturais, históricos… dos lugares que acoden a esta cita.

Así, o Concello de Mondoñedo “non quere deixar de reforzar a promoción dos nosos atractivos locais”, di a alcaldesa. Neste senso, Candia levará consigo o proxecto Mondoñedo, mil historias que vivir, que engloba seis produtos a través dos que se recupera a figura de Cunqueiro, a cova do Rei Cintolo, a Tarta de Mondoñedo, o traballo de ceramistas e canteiros e as paisaxes e segredos que agocha o Camiño Norte ao seu paso pola localidade.

A alcaldesa é consciente da importancia que ten o turismo na localidade polo que non quere escatimar en esforzos para obter os mellores resultados posibles por iso “considera moi necesario participar neste Salón Internacional de Turismo Gastronómico cuxo atractivo está fóra de toda dúbida e demóstrano as enquisas”. Ademais, “a asistencia a Xantar 2016 tamén nos permitirá coñecer as experiencias que funcionan noutros puntos xeográficos”.

Volver a inicio

 

 

 

 

O Concello de Mondoñedo facilitará o acceso aos locais municipais baleiros para empresas e autónomos que decidan emprender

A alcaldesa de Mondoñedo, a popular Elena Candia, avanza que o Concello que goberna facilitará o acceso aos locais municipais baleiros para aquelas empresas e autónomos que decidan emprender. Con este fin o Goberno local aprobará o vindeiro xoves unha ordenanza na que se regule a contratación deses espazos, cuxo prezo por metro cadrado será de 3,5 euros no caso de ter acceso de vía e 2,5 euros sen el.

Inicialmente o Goberno local porá en aluguer tres espazos infrautilizados, un deles na Praza de Abastos, outro no quiosco das San Lucas e outro na contorna do Concello.

A alcaldesa da localidade, a popular Elena Candia, explica que se poñen espazos a disposición dos emprendedores, ao tempo que se recada unha cantidade para destinar ao mantemento deses locais, evitando así o seu deterioro. “Cumprimos un dobre obxectivo, axudamos a aqueles que buscan un local para acometer a súa actividade empresarial e ao mesmo tempo garantimos que eses espazos permanecen en bo estado de conservación”, engade.

A rexedora subliña ademais a vida e o movemento económico que este tipo de actividade pode carrexar para o centro da localidade. “Conseguimos así atraer actividade ao centro de Mondoñedo, contribuímos a xerar novos postos de traballo e conseguimos ingresos para o mantemento deses locais agora en desuso”, conclúe.

Volver a inicio

 

 

 

O Concello de Mondoñedo asina un convenio con Animals Help para recoller e atender aos animais abandonados ou extraviados no termo municipal

O Goberno local do Concello de Mondoñedo vén de asinar un convenio coa Asociación Animals Help para recoller e atender aos animais abandonados ou extraviados no termo municipal. A Ley 1/1993 recolle que é obriga das administracións locais a recollida de animais, canso ou gatos, abandonados nas súas respectivas localidades.

Como asociación protectora de animais, Animals Help, encargarase de recuperar física e psicoloxicamente a estes animais abandonados para a súa posterior inserción social como mascotas de compañía, maioritariamente a través da adopción internacional mediante convenios pactados con asociacións da UE.

A asociación será a encargada dos traballos de esterilización e adopción, así como da educación social para a tenencia responsable de animais. Para levar a cabo as súas funcións a asociación dispón dun refuxio con instalacións propias no Concello de Xermade.

Animals Help encargarase da recollida dos animais e do traslado, da súa identificación mediante un microchip, da atención veterinaria e de cubrir as necesidades alimenticias e tratamentos que foran precisos. Ao mesmo tempo, procurará a adopción dos animais en debidas condicións e coa cartilla veterinaria que os identifique.

Pola súa banda, o Concello de Mondoñedo velará polo cumprimento do acordo e pola normativa vixente de tenencia de animais de compañía. Dará aviso dos abandonos e colaborará coa asociación naquilo que sexa preciso.

Volver a inicio

 

 

 

O Entroido mindoniense celébrase o sábado 13 de febreiro con novidades na súa programación

O Entroido de Mondoñedo celebrarase este ano o sábado 13 de febreiro. Organizado polo Concello (a través da Concellería de Xuventude que dirixe Alberto García), e a Asociación de Comerciantes, Industriais e Autónomos da localidade (ACIAM), en colaboración con voluntarios; conta cun programa que presenta importantes novidades que “melloran o seu atractivo, co que se buscan dar un pulo a esta cita anual”.

O Entroido mindoniense de 2016 inclúe un incremento no número de diferentes categorías que poden participar no desfile e melloras no catálogo de premios,  amais de contar con cartel musical.

En concreto,  haberá novas categorías de participantes no desfile. Os adultos participarán no desfile nas categorías de comparsas, charangas, carrozas, grupos, individuais e parellas, mentres que tamén haberá premios infantís para grupos, parellas e individuais. Neste senso,  é necesario resaltar que as novidades son a división entre comparsas e charangas, que en pasadas edicións competían na mesma categoría, ademais de que se creou unha nova categoría, a das carrozas

Do mesmo xeito, tamén se mellora o cartel de premios. Así, a contía a repartir entre os gañadores increméntase nun 78% respecto á pasada anualidade e concederanse tres premios por categoría que participa.

A maiores, a programación do Entroido de Mondoñedo para este ano tamén conta coa actuación musical dunha orquestra, que permitirá amenizar a entrega de premios e prolongar a celebración deste día na localidade.

Por último, a alcaldesa Elena Candia lembrou que o Goberno municipal “quere apostar polo Entroido e, deste xeito, estase a traballar en melloras na súa programación, que xa comezarán a darse esta anualidade e que permitirán impulsar esta cita”.

volver a inicio