Categoría: Actualidad

A PLATAFORMA CIDADÁ  “COMARCA DE MONDOÑEDO UNIDA” Promove o           II ENCONTRO DE PARTICIPACION CIDADÁ  COS REPRESENTANTES DA CORPORACION MUNICIPAL DE MONDOÑEDO: Alcaldesa e concelleiros do P.P. B.N.G. e P.S.O.E.                                                                                                                       DATA: XOVES 17  DE NOVEMBRO DE 2016  AS 20,30 HORAS NO SALON DE PLENOS DO CONCELLO. (ASISTENCIA LIBRE).

Orde do día. TEMAS E PROXECTOS A TRATAR:                                                                       URBANISMO-CULTURA.                                                                                                                   Proxecto de remodelación da Praza da Catedral e recuperación do antigo CantónVoc.Vicente  Gzlez  Casa-Museo  Álvaro Cunqueiro. Situación actual do proxecto. Reactivación da antiga Fundación ou creación dunha nova fundación ou Padroado. Voc. Luis Fdez Ansedes  Aparcamentos a carón da Praza da Alcántara e da Igrexa Nova.  Voc. Angel Marful.

Lugares e edificios emblemáticos: Situación actual da aldea-museo de Vilar, do antigo complexo hoteleiro do Mirador dos Paredóns, do Mosteiro dos Picos, do Pazo  “Bon Aire” de Masma, do Castro de Zoñán …Casas abandoadas… Estratexias. Voc. Wilma Leivas                                                                                      TURISMO-MEDIOAMBIENTE-INDUSTRIA

Convenio coa Universidade Rei Juan Carlos e UDIMA. Proxecto RETINAE. Voc   Julieta Vargas Camiño Norte de Santiago: Centro de Interpretación da Alcantara -Museo de Escritores -Músicos e da Imprenta. Inauguración Oficial. Análise dos novos trazados na Comarca de Mondoñedo pola antiga Calzada e pola Infesta. Estudo oficial da Variante Marítima do Camiño Norte. Voc  Luis Fdez Ansedes     Sinalizacións Turísticas no casco histórico, dos accesos aos aparcamentos e da entrada a Mondoñedo desde Curros. Voc. Angel Marful      Ampliación de trazado do Camiño Natural de San Rosendo a carón do río Masma. Paseo Fluvial.Voc  – Ana Arias  Roteiro turístico-literario “Leiras Pulpeiro”: Remodelación e plantación da Area Recreativa  de “A Fervenza”. Fonte Medicinal e Castro de “A Recadieira”. Antigas fábricas “Electricista Mindoniense”.  Ruta da Auga e Roteiros na Fraga Vella… Voc  Luis Caselas   Feiras e Festas de Interese turístico e empresarial: “As Quendas” “Feiramostra artesanal e agroalimentaria de Os Muiños” “Feira das Carmiñas- Festa da Ensalada”  “Mercado medieval” “ As San Lucas” Potenciación de Mercados Locais … Análise, Calendario, Estratexias Voc. Julieta Vargas       Análise da situación de ECARFIMSA e da  instalación de novas empresas no Polígono Industrial de Xiros. Estratexias. Voc.  Wilma  OUTRAS PROPOSTAS : –Problemáticas no Casco Urbano: Iluminación, amaño e limpeza de rúas, de fincas abandoadas…   Problemáticas das parroquias da zona rural. Voc  Luis Fdez Ansedes Confección e  Colocación de placas aos ilustres mindonienses nomeados fillo  predilecto  e fillos adoptivos)  D.Ricardo Pedreira Pérez  e D. Enrique Cal Pardo e D. Juan Puchades Quilis Voc. Vicente Gzlez Redondo.

volver

A alcaldesa de Mondoñedo, a popular Elena Candia, revolve a débeda que o anterior Goberno municipal mantiña coa Deputación de Lugo, froito dun convenio mediante o cal a institución provincial concedía un anticipo de 33.000 euros para financiar unha achega aos investimentos municipais para darlle accesos ao Barrio de Pausalido (Argomoso).

Este convenio foi asinado no ano 2013 pola daquela vicepresidenta da Deputación provincial, Lara Méndez, hoxe alcaldesa de Lugo, e polo tenente alcalde, Modesto Díaz, ambos do mesmo partido, o PSOE.

O anticipo fíxose, tal e como recolle o convenio, porque o Barrio de Pausalido sufriu unha situación de emerxencia como consecuencia dun fenómeno natural gravoso, como foi un derrubamento. Pese ao acordo, que obrigada ao Concello a facer a devolución da achega en tres anualidade de 11.000 euros, o Goberno local só chegou a facer un ingreso.

A rexedora lamenta este novo erro de xestión do anterior equipo de Goberno, ao tempo que confesa sentir “vergoña” porque a Deputación, daquela gobernada polo socialista José Ramón Gómez Besteiro, concedera un crédito e non asumira o pagamento íntegro desta situación que podería ser considerada de xustiza social e que incluso beneficiaba a escolaridade dunha nena, afectada pola situación da estrada.

A popular censura que o Goberno de Besteiro gastara recursos públicos sen criterio cando en Mondoñedo existiu unha necesidade real de arranxar un camiño e que non facelo afectaba incluso á escolaridade dunha menor.“Resolvemos a cantidade prestada, non sen recoñecer certa vergoña porque a Deputación actuara deste xeito con Mondoñedo. Nun momento, cómpre recordar, que ademais tanto o PSOE como o BNG compartían responsabilidades de Goberno tanto na Deputación como na localidade”, conclúe a popular.

volver

O Concello e a Asociación de Comerciantes, Industriais e Autónomos (ACIAM) organizan o X Concurso de Tapas Concello de Mondoñedo, que se celebrará a fin de semana do 25, 26 e 27 de novembro. Haberá animación musical polas rúas da cidade e celebraranse sorteos entre os participantes.

volver

 

O equipo redactor do Proxecto Retinae avanzou esta fin de semana nas accións que se están a desenvolver no marco desta iniciativa innovadora que aproveita os novos formatos audiovisuais para poñer en valor o patrimonio histórico, turístico e cultural de Mondoñedo. En concreto, expertos e alumnos das Universidades Rei Juan Carlos e a Universidade a Distancia de Madrid analizaron na localidade as posibilidades que ofrecen os novos formatos audiovisuais (realidade virtual, realidade aumentada, formatos envolventes en 360 grados e imaxes tomadas con drons), co obxecto de poñer en valor o patrimonio histórico, artístico e cultural, sobre a base das novas tecnoloxías.

A alcaldesa de Mondoñedo, Elena Candia, manifestou a súa satisfacción co desenvolvemento deste proxecto, que se está a levar a cabo ao abeiro do convenio asinado coa Universidade Rei Juan Carlos e a Universidade a Distancia de Madrid, por un período inicial de cinco anos e que, polo tanto, conta coa colaboración e o respaldo de diferentes institucións académicas e profesionais.

Neste eido, a rexedora avanzou que “está todo listo para presentación en Málaga deste proxecto que busca a boa posición de Mondoñedo e dos seus recursos dentro do eido turístico”. Candia lembrou que nesta primeira fase “están a poñer todas as ferramentas das novas tecnoloxías ao servizo da cultura e do turismo da cidade”, resaltando, engade, “dunha forma chamativa  e innovadora o noso patrimonio histórico e facendo así máis atractivo o noso turismo”.

A alcaldesa destaca que dende o Concello “apostamos fortemente por un proxecto aberto que pode crecer exponencialmente en diferentes direccións e que constitúe unha fiestra ao futuro, para dar a coñecer o noso concello, os seus recursos e as súas características que o dotan dun forte potencial turístico que debemos saber aproveitar”.

Accións enmarcadas no proxecto Retinae

En relación ao proxecto, Candia lembra que “o contido principal desta proposta innovadora está constituído por gravacións aéreas con drons, tomando fotografías e inmortalizando en vídeo diferentes zonas da cidade. Por exemplo, a tecnoloxía da Realidade Aumentada empregase para crear diferentes modelos en tres dimensións de edificios e persoas emblemáticas; e a cámara de 360 grados serve para gravar lugares importantes de Mondoñedo e que poden ser explorados en todos os ángulos.Ademais, no marco deste convenio desenvólvense outras accións como a conferencia celebrada este venres na localidade, durante a que profesionais expertos no eido da comunicación dixital e da historia contemporánea explicaron as posibilidades que ofrecen as novas tecnoloxías ao servizo da divulgación dos produtos e dos eventos locais. En concreto, fixeron fincapé nas redes sociais e na internet, como ferramentas para vender ao servizo do pequeno e mediano comercio, produtores artesanais e eventos culturais.

Por último, Candia tamén lembrou que está previsto que este proxecto se desenvolva internacionalmente, especialmente en países como China e en plataformas locais como Baidu, principal buscador en China.

volver

 

 

 

 

 

 

 

O Concello de Mondoñedo vén de convocar o concurso ‘O mellor recuncho de Mondoñedo’ que baixo o lema ‘Elixe o lugar de Mondoñedo que máis che gusta’, ten por finalidade a elaboración dun calendario para o vindeiro ano 2017 coas mellores fotografías de recunchos da localidade.

Os destinatarios da iniciativa son todos os alumnos do Instituto de Educación Secundaria San Rosendo aos que a alcaldesa de Mondoñedo, Elena Candia, convida a participar a no envío de fotografías ao Concello. Entre as imaxes recibidas, un xurado profesional elixirá doce, unha por cada mes do ano, para a creación do calendario de 2017

O alumnado poderá facer chegar a imaxe do seu “lugar favorito de Mondoñedo, aquel que máis lle guste ou máis sentimento e vivencias lle transmita”, explica Candia, ao Concello a través do enderezo electrónico concellomondonedo@gmail.com ou do postal Concello de Mondoñedo. Praza do Concello nº1. Mondoñedo, ata o día 30 de novembro.

O xurado, encargado de seleccionar as fotos dos mellores recunchos de Mondoñedo, estará composto por persoal da oficina de rehabilitación e fotógrafos profesionais. Pola súa banda, os autores das fotografías seleccionadas recibirán como premios un lote de libros “e algunha sorpresa a maiores”, engade a rexedora, ademais de que o nome dos galardoados figurará no calendario como autores das imaxes.

Elena Candia amósame moi contenta con esta iniciativa xa que “nos permite desenvolver o sentimento que temos pola nosa cidade, polos lugares que nos traen os nosos mellores recordos, por aqueles que máis sentimos ou polos que simplemente máis nos gustan”. Polo tanto, Candia  destaca o aspecto “sentimental” desta iniciativa xa que “permitirá aos participantes mergullarse nas súas vivencias na cidade e no rural, recorrer os recunchos que máis lles apaixonen e facelo en complicidade coa familia”.

volver

A Asociación Cultural O Pasatempo de Mondoñedo celebra este sábado 29 de outubro un Magosto popular na Plaza do Concello de Mondoñedo.Desde as 20h, as castañas asadas serán as protagonistas dunha festa onde non faltará o viño e o chocolate para os máis pequenos, que pola tarde terán o seu Samaín particular da man da Asociación Xuvenil Xoldra. Ademais, a Asociación Gaita Escola de Mondoñedo acompañará coa súa música a actividade.”