Categoría: Actualidad

A alcaldesa e o edil de Educación agradeceron a boa acollida desta iniciativa que na súa primeira edición recibiu 74 fotografías “todas merecentes de ser incluídas no calendario”

A alcaldesa de Mondoñedo, Elena Candia, e o edil de Educación, Mocidade e Novas Tecnoloxías, Alberto García, entregaron este sábado os premios aos gañadores do concurso fotográfico convocado polo Concello baixo o lema ‘O meu recuncho de Mondoñedo”.
Dende o Goberno local convidaron aos mindonienses a participar nesta iniciativa a través do envío de fotografías cos seus lugares favoritos da localidade, co obxectivo de elaborar coas imaxes recibidas un calendario 2017.

Elena Candia e Alberto García agradeceron a boa acollida que tivo o concurso ‘O meu recuncho de Mondoñedo’, que na súa primeira edición recibiu 74 fotografías, “todas merecentes de ser incluídas no calendario”, aseguran.
Entre o total das imaxes que os participantes remitiu ao Concello, un xurado composto por fotógrafos profesionais do eido xornalístico e artístico e por membros da Oficina Técnica de Rehabilitación do Concello de Mondoñedo, seleccionaron 13 fotografías, unhas delas para a portada do calendario e as restantes para cada mes do ano. O calendario municipal 2017 remitirase a todos os fogares de Mondoñedo.

Autores das trece fotografías seleccionadas para confeccionar o calendario:

Portada: Carme Bouso

Mes de xaneiro: Andrea Gacio

Mes de febreiro: Celia Trashorras

Mes de marzo: Ester Otero

Mes de abril: Gonzalo Sánchez

Mes de maio: Marta Rodríguez

Mes de xuño: Lucía López

Mes de xullo: Melba Paz

Mes de agosto: Diego Muruais

Mes de setembro: Anxo García

Mes de outubro: Cristina Carracedo

Mes de novembro: Maite Baamonde

Mes de decembro: Anxo G. Ferreiro

O xurado encargado de fallar os premios do concurso ‘O meu recuncho de Mondoñedo’ tamén elixiu as tres melloras fotografías de entre todas as recibidas. Os gañadores recibiron un diploma e un libro, galardoado co premio Planeta, de mans da alcaldesa e do concelleiro delegado no acto que se celebrou este sábado no Salón de Plenos do Concello.
Durante a entrega de premios, que presentou Gilberto Ares, tamén se presentou oficialmente o calendario nado a raíz desta iniciativa fotográfica. No transcurso do acto, fíxose entrega ademais dun exemplar do calendario a cada un dos trece autores das imaxes seleccionadas.

O xurado encargado de fallar os premios do concurso ‘O meu recuncho de Mondoñedo’ tamén elixiu as tres melloras fotografías de entre todas as recibidas. Os gañadores recibiron un diploma e un libro, galardoado co premio Planeta, de mans da alcaldesa e do concelleiro delegado no acto que se celebrou este sábado no Salón de Plenos do Concello.
Durante a entrega de premios, que presentou Gilberto Ares, tamén se presentou oficialmente o calendario nado a raíz desta iniciativa fotográfica. No transcurso do acto, fíxose entrega ademais dun exemplar do calendario a cada un dos trece autores das imaxes seleccionadas.

Os tres premiados foron Celia Cabanas Trashorras, Cristina Carracedo e Gonzalo Sánchez Díaz. Así, Candia e García quixeron agradecer tanto “ao xurado pola súa complicada labor como a todos os participantes”, ao que engadiron que “somos conscientes de que calquera foto podería ser gañadora, polo que non se establece unha orde entre os galardoados”.
A alcaldesa e o edil amosáronse de novo moi contentos con esta iniciativa e co seu resultado xa que “nos permite desenvolver o sentimento que temos pola nosa cidade, polos lugares que nos traen os nosos mellores recordos, por aqueles que máis sentimos ou polos que simplemente máis nos gustan”. Así,  volveron a destacar o aspecto “sentimental” desta iniciativa xa que “permitiu aos participantes mergullarse nas súas vivencias na cidade e no rural, recorrer os recunchos que máis lles apaixonaron e facelo en complicidade coa familia”.

 

 

O Centro Comarcal da localidade mindoniense, ubicado no edificio Pazo Santo Tomé, acollerá o vindeiro día 13 de xaneiro ás 13:00 horas a presentación do estudo ‘Mondoñedo, un municipio para invertir’ e a folla de ruta a seguir. Así o avanzou a alcaldesa, Elena Candia, quen precisou que ao acto acudirá un membro da consultora estratega, así como membros do equipo de goberno.
Candia precisou que este documento, que xa foi presentado en cidades como Madrid ou Barcelona, foi encargado polo Concello de Mondoñedo para “poñer en valor e dar a coñecer todos os recursos que temos e captar dese xeito a inversión na nosa localidade”.

A rexedora avanzou que o estudo recolle unha pormenorizada relación dos recursos do municipio e as posibilidades empresariais que ofrece.
A situación xeográfica, a súa proximidade ao mar e aos fluxos turísticos, os seus enclaves turísticos máis destacados, o rico patrimonio histórico e arqueolóxico, as tradicións culturais e a gastronomía, as actividades produtivas… Así como os recursos naturais da localidade, a disponibilidade de chan industrial a precios asequibles, as instalacións industriales e inmobles ociosos (Ecar, edificios no rural, o antigo hospital…), incentivos públicos existentes para crear empresas ou as oportunidades relacionadas co potencial turístico e agroalimentario, son, entre outros, algúns dos asuntos que se abordan no estudo e se queren dar a coñecer.

volver

 

 

A alcaldesa de Mondoñedo, Elena Candia, e o edil de Educación, Mocidade e Novas Tecnoloxías, Alberto García, entregarán este sábado os premios aos gañadores do concurso fotográfico convocado polo Concello baixo o lema ‘O meu recuncho de Mondoñedo”.

Dende o Goberno local convidaron aos mindonienses a participar nesta iniciativa a través do envío de fotografías cos seus lugares favoritos da localidade, co obxectivo de elaborar coas imaxes recibidas un calendario 2017.

Elena Candia e Alberto García agradeceron a boa acollida que tivo o concurso ‘O meu recuncho de Mondoñedo’, que na súa primeira edición recibiu 74 fotografías, “todas merecentes de ser incluídas no calendario”, aseguran.

Entre o total das imaxes que os participantes remitiu ao Concello, un xurado composto por fotógrafos profesionais do eido xornalístico e artístico e por membros da Oficina Técnica de Rehabilitación do Concello de Mondoñedo, seleccionaron 13 fotografías, unhas delas para a portada do calendario e as restantes para cada mes do ano. O calendario municipal 2017 remitirase a todos os fogares de Mondoñedo.

Autores das trece fotografías seleccionadas para confeccionar o calendario:

 

Portada: Carme Bouso
Mes de xaneiro: Andrea Gacio

Mes de febreiro: Celia Trashorras

Mes de marzo: Ester Otero

Mes de abril: Gonzalo Sánchez

Mes de maio: Marta Rodríguez

Mes de xuño: Lucía López

Mes de xullo: Melba Paz

Mes de agosto: Diego Muruais

Mes de setembro: Anxo García

Mes de outubro: Cristina Carracedo

Mes de novembro: Maite Baamonde

Mes de decembro: Anxo G. Ferreiro

O xurado encargado de fallar os premios do concurso ‘O meu recuncho de Mondoñedo’ tamén elixiu as tres melloras fotografías de entre todas as recibidas. Os gañadores recibirán un diploma e un libro, galardoado co premio Planeta, de mans da alcaldesa e do concelleiro delegado no acto que se celebrará este sábado, 31 de decembro, ás 12:30 horas, no Salón de Plenos do Concello. Durante a entrega de premios, que presentará Gilberto Ares, tamén se presentará oficialmente o calendario nado a raíz desta iniciativa fotográfica. No transcurso do acto, farase entrega dun exemplar do calendario a cada un dos trece autores das imaxes seleccionadas.

Dende o Concello anuncian que os tres premiados son Celia Cabanas Trashorras, Cristina Carracedo e Gonzalo Sánchez Díaz. Así, Candia e García quixeron agradecer tanto “ao xurado pola súa complicada labor como a todos os participantes”, ao que engadiron que “somos conscientes de que calquera foto podería ser gañadora, polo que non se establece unha orde entre os galardoados”.

A alcaldesa e o edil amosáronse de novo moi contentos con esta iniciativa e co seu resultado xa que “nos permite desenvolver o sentimento que temos pola nosa cidade, polos lugares que nos traen os nosos mellores recordos, por aqueles que máis sentimos ou polos que simplemente máis nos gustan”. Así,  volveron a destacar o aspecto “sentimental” desta iniciativa xa que “permitiu aos participantes mergullarse nas súas vivencias na cidade e no rural, recorrer os recunchos que máis lles apaixonaron e facelo en complicidade coa familia”.

volver

 

A alcaldesa de Mondoñedo, Elena Candia, vén de manter un encontro de traballo co responsable de Campus del Basket, Eduardo Pascual, responsable da organización o vindeiro ano dun campus de baloncesto que achegará á localidade a 400 mozos e mozas de todo o territorio nacional.

A iniciativa está deseñada para nenos e nenas desde os 6 aos 18 anos, que entre o 1 e o 16 de xullo convivirán en Mondoñedo ao tempo que aprenderán a modalidade deportiva do baloncesto. Amais, aproveitarán a súa estancia na localidade para facer rutas turísticas pola comarca e coñecer “a fondo” a cidade.

Trátase dunha iniciativa que por vez primeira recunca en Mondoñedo, pero que xa tivo un éxito notable noutras localidade da Mariña nas que se levou a cabo, como en Ribadeo.

A alcaldesa, a popular Elena Candia, explica que o campus se desenvolverá durante tres anos en Mondoñedo “con vontade de continuar”. Destaca a posta en marcha de iniciativas saudables “que ademais axudan a que o noso Concello siga abrindo as súas portas cada día a máis visitantes”.

Así, abunda, o equipo de Goberno ofrécelles todo o seu apoio toda vez que considera que é unha nova oportunidade de promoción e dinamización económica para o Concello. “Non só son os 400 mozos e mozas que inicialmente virán a Mondoñedo, senón que podemos ter tamén visitas das súas familias e así espallar os tesouros do noso concello por toda España”, indica.

volver

En primeiro lugar queremos agradecer a boa disposición e o bo talante de diálogo expresado pola Sra. Alcaldesa e demais membros da Corporación Municipal. E a asistencia e respetuosidade dos representantes das asociacións e do público que acudiron ao Encontro, o que facilitou a labor dos voceiros que tamén actuaron de moderadores. A reunión comezou as 20,30 horas e rematou a carón das 23 horas.

Explicouse o convenio do Proxecto  Retinae de divulgación da cidade a través das novas tecnoloxías   e que se poñería a disposición das asociación mediante envío de copia por correo electrónico .

Co respecto ao Camiño Norte evaluaronse os novos trazados e as problemáticas a corrixir  no seu tránsito pola antiga Calzada Romana e pola Infesta. E  se espera a notificación da Dirección Xeral de Patrimonio Cultural sobre o Estudo que se comprometeu a facer da Variante Marítima pola Basílica de San Martiño de Mondoñedo. Tamén se agarda corrixir deficiencias no Centro de Interpretación do Camiño Norte e dos escritores e músicos que ampliará en horario de mañá e tarde a atención ao publico e aos peregrinos. Agardando se faga a inauguración pública o antes posible.  A sra alcaldesa nos informou que a exposición sobre a Imprenta se trasladará a Casa dos Cóengos onde se prevé facer un Museo especifico sobre a mesma, incorporando outras máquinas e utensilios cedidos por Fernando López de Suc. De Mancebo.

Falouse da nova sinalización turística e da corrección de erros nas sinais, suprimindo ou mellorando algunha das antigas referentes a Cova do Rei Cintolo que pertencen a Deputación. Tamén houbo o compromiso de ampliar as que sinalizan o Aparcamento da Alcántara e reivindicar ante o Ministerio de Fomento a indicación na Autovía  na zona de Curros, da entrada a Mondoñedo pola Lu 124.

Tamén os representantes da Corporación Municipal quedaron en facer as xestións ante o Ministerio de Medioambiente para tratar de conseguir a aprobación do aumento de trazado do Camiño Natural de San Rosendo que  facilitaría un paseo fluvial a carón do río Masma, demandado desde fai moito tempo ao ser Mondoñedo  un dos poucos concellos da Prov. de Lugo que carecemos deste servizo.

Co respecto ao Roteiro “Leiras Pulpeiro” a corporación ofreceuse a colaborar na replantación e amaño da Area de “A Fervenza”  o mesmo que se lle vai a solicitar ao Departamento Forestal do IES San Rosendo tras entrevista mantida coa súa directora.Tamén nos informaron que estaban en contacto con unha Empresa para facer o análise fisico-quimico das augas sulfurosas co que se podería obter a certificación de” Fonte de Utilidade Pública” e poder acometer obras de mellora. As asociacións e colaboradores  da  Plataforma comprometéronse a seguir traballando no mantemento da zona e tamén a contactar cos propietarios das fincas do Castro da Recadieira para solicitarlles o poder limpar o seu entorno. Outra posibilidade que se analizou foi a de conveniar coa Fundación Alcoa, para solicitar axuda para o amaño das antigas fabricas “Electricista Mindoniense”  (unhas das mais antigas de Galicia 1892-1906) e que puideran servir de atractivo etnográfico-industrial.

Falouse de establecer un calendario das Feiras e Festas de interese turístico empresarial e se analizou a proposta de potenciar os Mercados locais mediante a celebración dun mercado de produtos agroalimentarios e artesanais  da zona, complementado con actividades lúdicas paralelas o primeiro domingo de mes.

Co respecto a instalación de novas empresas no Poligono Industrial a Corporación comprometeuse a tratar de conseguir abaratar as parcelas do SEPES e facilitar as instalacións nas parcelas que pertencen ao Concello . Tamén se nos informou que mantiveron varias reunións cos propietarios de FiNSA con vistas a reindustrializar as suás instalacións e incluso se barallou a posibilidade  de adecuar un Polígono Industrial dentro das instalacións de ECAR.

O proxecto de reforma da Praza da Catedral e recuperación de parte do antigo Cantón someteuse a unha ampla análise por parte da alcaldesa e  dos asistentes, considerando que dada a importancia da obra e do lugar que ocupa fronte a Catedral, declarada Patrimonio da Humanidade, que era preciso  encargar unha maqueta virtual da obra prevista, para poder analizar e opinar con mellor información como quedaría o proxecto.

En canto a Casa –Museo “Alvaro Cunqueiro” as obras de remodelación seguen os prazos previstos e a Corporación comprometeuse a tratar de impulsar a posta en marcha da Antiga Fundación, recuperando os Estatutos e tratando de incorporar novas persoas a mesma que poidan axudar desde fora aos proxectos  de Mondoñedo vinculados a figura e facetas  do insigne escritor, que no caso dos propostos:  Francisco Cal Pardo e Felipe Debasa,  xa están colaborando noutros proxectos a prol de Mondoñedo.

Tamén se nos informou do proxecto de construción dun Aparcamento nunha finca  a carón da Igrexa Nova , servizo moi demandado ao eliminarse o da Praza da Catedral, que tería aceso a través do Calexón de Casas Novas e da Rúa do Camiño Norte. Deixamos aquí  tamén a suxerencia que   si isto se leva a cabo, da construción dunha rúa de enlace co aparcamento que unise as rúas Pardo de Cela e Camiño Norte aproveitando o calexón que discorre a carón dos terrenos da Granxa do IES San Rosendo, que daría un bo servizo e sanearía este espazo.

Se nos informou dos planes respecto a Aldea de Vilar de poñer en marcha o Museo da Prehistoria  e de apoio a Cova do Rei Cintolo (elemento  Natural de gran importancia e recurso turístico e deportivo singular para a comarca, que ao final do Encontro suscitou un debate sobre o seu aproveitamento entre os asistentes,  a proposta do representante dunha asociación). Tamén se nos informou que venceu o Convenio da Deputación (cumpriu 26 anos) sobre o Pazo de Bon Aire reivindicándose o amaño do mesmo polo Ente Provincial, tal como se había cedido para un proxecto de rehabilitación de toxicómanos e que ardeu fai varios anos. O mesmo se pide para as instalacións do antigo Mirador de Turismo que pertencen a mesma Institución e que da unha mala imaxe a entrada de Mondoñedo na moi transitada N634. Co respecto ao Mosteiro dos Picos que se amañou a cuberta e se conveniou  para a creación dunha Escola de Restauración, o proxecto quedou estancado e habería que tratalo co recen nomeado Sr. Bispo da Diocese.

Tamén se analizaron as problemáticas e solucións para as casas e fincas abandoadas e mellorar os servizos públicos de iluminación e recollida de lixo no casco e nas parroquias do rural. Co respecto a confección e colocación de Placas se quedou en indagar as persoas que teñen as distincións de fillos predilectos e adoptivos para non discriminar a naide . En canto as colocacións unha suxerencia e facer unha placa Conxunta na que figuren  todos e colocala nun lugar emblemático ( por exemplo no Recebedor do Concello)… (a similitude como teñen noutros organismos exemplo o IES San Rosendo ou no Seminario donde figuran tódolos directores ou Reitores).

Rematamos voltando a agradecer a boa disposición e o clima de diálogo dos membros da Corporación e das asociacións , que nos da pe a organizar  o III encontro en novembro do 2017, agardando e confiando que as propostas e proxectos se leven a cabo e teñan gran éxito en beneficio das xentes da Comarca de Mondoñedo.  Sentímonos orgullosos desta  iniciativa pioneira que coidamos enriquece o debate aportando diferentes puntos de vista, facendo que a cidadanía se sinta  vinculada ao Concello  e aos seus proxectos

volver