Autor: admin

Vicarli adquire parcelas en Mondoñedo para almacenamento e subministro de repostos para aeroxeradores e xa abonou a reserva

As parcelas elixidas no polígono industrial pola empresa, de Huarte-Pamplona, son as números 17 e 18

O director xeral da Vicarli e o arquitecto da empresa estiveron xa en marzo en Mondoñedo e mantiveron unha entrevista co alcalde, Manuel Otero

A empresa Vicarli faise con terreos no polígono industrial para construír as instalacións necesarias para almacenamento e subministro de repostos de aeroxeradores para o mantemento de parques eólicos. Ademais, a empresa xa abonou a reserva para a almacenaxe. O goberno local expresa así a súa satisfacción pola decisión adoptada por esta empresa.
En concreto, os terreos cos que se fai a citada firma industrial son os números 17 e 18. Desta maneira, materialízase o interese demostrado por dita empresa, da que no pasado mes de marzo se desprazaron a Mondoñedo José Manuel Tejada Sáenz, director xeral, e o arquitecto desta firma, Javier Lana. Os dous representantes de Vicarli mantiveron entón unha reunión co alcalde, Manuel Ángel Otero Legide, coa arquitecta dos servicios municipais e o axente de Emprego e Desenvolvemento Local do Concello.
Creación de emprego
A intención da empresa é comezar en Mondoñedo cos 5 traballadores que tiña no pequeno almacén que utilizaba en Foz, e, a medida que mede o proxecto, ir incorporando persoal. Hai posibilidades de que chegue a ter 11 persoas de aquí a 3 anos.
Vicarli, situada en Huarte-Pamplona, ten dúas liñas de negocio: o transporte e a loxística. Na área do transporte, conta cunha frota de 150 camións, entre propios e externos. Pola súa banda, a actividade loxística abarca en total máis de 200.000 metros de almacén.

Mapa das parcelas

Xuntanza de confraternización dos traballadores de Ecar ( ex-finsa) en Mondoñedo

Os traballadores e traballadores de ECAR (ex-Finsa), en Mondoñedo celebraron esta sábado, a primeira unha xuntanza de confraternización cun xantar na Finca San Antonio, na que tamén se homenaxeou a antigos traballadores e traballadoras da fabrica mindoniense.
María Libertad Maseda Méndez, veciña e residente no Barrio de San Lázaro, foi a primeira muller que entrou a traballar en ECAR, por iso recibiu unha homenaxe dos seus compañeiros e compañeiras, que conta con 89 anos. “Todos gardarmos un grato recordo da nosa compañeira María, e aproveitamos esta cita para saudala e recordala con moito cariño”, sinalan dende a organización desta xuntanza. Outro dos traballadores homenaxeado, e que conta máis idade, foi Prudencio Muiño que ten 91 anos, veciño de Valiño. E Eva Vázquez Lema tamén recibiu unha mención como primeira muller que entrou en traballar na empresa FINSA.
“Celebramos esta reunión, para reencontrarnos, saber uns dos outros, rememorar a nosa historia laboral e familiar nesta empresa, porque alí traballamos moitos anos e vivimos moitas experiencias, e queriamos ter a oportunidade de xuntarnos e charlar para lembrarnos delas. Esta é a primeira xuntanza que celebramos, pero estamos seguros de que haberá moitas máis”, explican os organizadores.

Os socialistas reivindican a súa experiencia na política municipal “para gobernar o concello de Mondoñedo”

eleccións municipais 2023

A candidata do PSdeG á Alcaldía de Mondoñedo, Esperanza González, reivindicou este mércores nun mitin, na Casa da Xuventude, “a experiencia da candidatura socialista de Mondoñedo na política municipal, así como a gran capacidade e coñecemento para gobernar e xestionar o Concello”. No acto participaron ademais o senador socialista, César Mogo e o candidato número 3, Modesto Díaz García.

“Nos o que queremos é construír o futuro deste concello, partindo dun punto básico fundamental, con diálogo e coa colaboración de toda a veciñanza sen excluír a ninguén por afinidades políticas, e por suposto, dende unha visión progresista, feminista, ecoloxista e, cun goberno apegado ás cidadáns, como sempre fixemos os socialistas sen deixar atrás a ningunha familia que teña dificultades”, sinalou Esperanza González.

A candidata socialista dixo que o gasto máis relevante que ten o Goberno do PP en Mondoñedo, “son as campañas de publicidade e propaganda, onde cada ano comprobamos que van en aumento”.

Tamén se referiu ás obras da Praza da Catedral que comezaron esta mesma semana. “Agora que chegan as eleccións viñeron as obras e a limpeza das nosas rúas, e eu alégrome. Porqué o espectáculo de como esta Praza é un autentico esperpento. O Concello de Mondoñedo xa informou no seu día que renunciou a subvención concedida polo Ministerio de Fomento relativas ao 1,5% cultural, e que supoñían unha achega económica de 180.000 euros. Pero agora o PP de Mondoñedo emite un comunicado para criticar ao Ministerio. É dicir o Concello non fai a obra e o Ministerio reclamoulles a subvención, paréceme o máis legal do mundo. Eu non sei como esta acostumado a traballar o PP, pero cando pides unha subvención e non executas a obra terás que devolver os cartos”, por certo hai que lembrar que tivo varias prórrogas para executalas.

“O 28 de maio é importante que acudades a votar, porque só dende a democracia se pode cambiar o futuro dun pobo. Por todo isto, esperamos poder contar con vós para traballar xuntos polo futuro do noso querido Mondoñedo”, dixo a candidata socialista.

BESTEIRO MANTIVO UN ENCONTRO COA VECIÑANZA DE MONDOÑEDO

eleccións municipais 2023

O delegado do Goberno en Galicia, José Ramón Gómez Besteiro, visitou a comarca da Mariña onde mantivo varias xuntanzas coas candidaturas socialistas de Alfoz, O Valadouro e Mondoñedo e aproveitou para manifestar o seu desconcerto ante “ou discurso que está a facer ou PP”, tanto en Galicia e mesmo na Mariña “poñéndose a falar de Bildu e de cousas que a xente non entende a que veñen neste momento”. Besteiro retou aos populares a que acudan á comarca “para falar por exemplo de Alcoa, porque non se lles volveu oír dicir nada sobre iso”.
Tamén cre que “sería interesante que dean algunha explicación” sobre o que pasou con Altri “esa empresa tamén deixou de falar sorprendentemente, debe ser por algo, porque non entendemos por que Na Mariña non fala de Altri. Terían que explicalo”, apuntou Besteiro.
Así mesmo, mostrouse “moi orgulloso” de que en dez dos 16 concellos da comarca as mulleres sexan cabezas de lista das filas socialistas ás alcaldías. Ademais, o responsable socialista apuntou que ten moitas cousas en común con Pedro Sánchez “como a preocupación polas pensións que plantexaba o PSOE que subiu dun xeito moi importante, a oferta de máis FP Dual, a sanidade, a creación de infraestruturas ou os descontos. para autoestradas. Son moitas cousas boas coas que por suposto estamos con Pedro Sánchez”. Besteiro tamén considera que o que está a facer o PP é “confundir á xente con outros temas que o único que amosan é que non teñen ningún proxecto de futuro”.
Un dos encontros que mantivo onte Besteiro foi coa candidatura socialista, encabezada por Esperanza González, quen quixo agradecer “o compromiso de Gómez Besteiro coa comarca e con Mondoñedo”. E no que respecta á súa vila enviou “unha mensaxe desde agarimo, e dicirlle alto e claro que en política non vale todo. Por iso, queremos reiterar o noso cariño e admiración por Besteiro aquí en Mondoñedo, e que contamos con el para construír o futuro de Galicia”. González engadiu que Besteiro é “un referente político e un líder con futuro, e dende logo a historia porá a cada un no seu lugar como está facendo agora. Aquí en Mondoñedo, en Lugo e onde sexa necesario”, remarcou