Autor: admin

O concelleiro de Xuventude explica que o programa inclúe talleres que fomentan a creatividade a través da pintura, do debuxo ou do modelado.

O Concello de Mondoñedo, a través da Oficina Municipal de Información Xuvenil dependente da Concellería de Educación, Mocidade e Novas Tecnoloxías, organiza para este sábado 31 unha festa de Samaín para os máis pequenos da casa.

O edil de Xuventude, Alberto García, invita a todos os nenos e nenas a participar desta festa, en cuxo programa atoparán talleres que fomentan a creatividade dos máis pequenos a través da pintura, do debuxo ou do modelado.

Esta actividade, que mestura ocio e música con talleres, desenvolverase na Casa da Xuventude a partir das 17:00 horas e na súa organización colabora tamén a Asociación Xuvenil Xoldra.

A maiores, Alberto García engade que “sempre que o tempo acompañe, os nenos pasearán polas rúas da cidade cos seus disfraces, ofrecendo truco ou trato a todo aquel que saia ao seu encontro”.

Por último, o edil conclúe ao asegurar que na festa do Samaín de Mondoñedo mesturarase a maquillaxe, a música, os obradoiros e a ambientación e os nenos poderán tamén levar cabazas para decorar.

Volver

 

A alcaldesa tamén asinou coa Xunta e con Fomento o convenio regulador dunha axuda de 111.750 euros, dirixida a subvencionar actuacións de rehabilitación executadas por propietarios de vivendas.

Candia anuncia tamén que se está a traballar en máis medidas dirixidas á rehabilitación de vivendas e que se está en contacto con entidades financeiras

A alcaldesa de Mondoñedo, Elena Candia, anuncia que o Goberno municipal levará ao próximo pleno local unha iniciativas a través da que propón que se elimine o pago de licenza de obra polos arranxos de cubertas e de fachadas de vivendas que se atopen nun estado de ruína.

Candia defende que as administracións deben liderar propostas para incentivar que os propietarios poñan en valor os seus inmobles. “Ademais de ser bo individualmente para os donos das vivendas, o feito de que estean arranxadas tamén acaba sendo un beneficio para toda a cidade”, engade. Mondoñedo conta cun importe número de inmobles en mal estado que “ademais de non ser bo esteticamente, tamén pode chegar a afectar á seguridade de veciños e de inmobles colindantes”, matiza.

A alcaldesa de Mondoñedo lembra que é un compromiso do Goberno do Partido Popular local incentivar o arranxo das vivendas e, do mesmo xeito, dende a administración tamén pretenden colaborar e “ofrecer posibilidades aos propietarios que prefiran desfacerse dos seus inmobles”. Así, a moción plenaria tamén inclúe unha segunda proposta, a de crear por parte do Concello un censo de vivendas en venda que sería publicado na páxina web oficial.

Sinatura de convenio

A alcaldesa de Mondoñedo tamén lembra que onte asinou un convenio coa Xunta de Galicia e co Ministerio de Fomento, regulador dunha subvención de 111.750 euros, dirixida a colaborar coas actuacións de rehabilitación executadas polos propietarios de vivendas emprazadas na área de rehabilitación.

Por último, Candia anuncia tamén que se está a traballar en máis medidas dirixidas á rehabilitación de vivendas e que se está en contacto con entidades financeiras

volver

Candia agradece ao Goberno de Feijoo a adxudicación desta nova dotación que permitirá que a Agrupación de Voluntarios dispoña dun maior equipamento dirixido a actuar dun xeito máis áxil en situacións de emerxencia.

Protección Civil de Mondoñedo conta dende esta mañá cun novo vehículo todo terreo tipo pick-up, co que se mellora o equipamento da agrupación de voluntarios para o desenvolvemento das súas funcións no eido das emerxencias e da seguridade cidadá.

O vehículo foille entregado polo vicepresidente da Xunta de Galicia, Alfonso Rueda, á alcaldesa de Mondoñedo, Elena Candia, durante un acto celebrado na sede da Academia Galega de Seguridade Pública da Estrada.

Candia quixo agradecer o compromiso da Xunta de Galicia coa localidade a través desta nova dotación que suporá unha importante mellora para a Agrupación de Voluntarios de Protección Civil de Mondoñedo. O equipamento de novos medios necesarios permitirá actuar dunha forma máis áxil en situacións de emerxencias, acadando máis eficacia nas respostas e garantindo a seguridade cidadá.

Por último, esta adxudicación, levada a cabo mediante a orde do 28 de xaneiro de 2015, no marco do Programa Operativo Feder-Galicia 2007-2013, segue criterios obxectivos e prima, por exemplo, aos concellos con maior número de actuacións e voluntarios, o risco potencial das emerxencias e a distancia con outros servizos de emerxencia.

Volver

Voces Da Paula vuelve a llenar el campo de los Remedios

Una vez más la gala Mindoniense hecha por Mindonienses y para los Mindonienses volvió a llenar el campo de Los Remedios en una intensa noche de lluvia, aún así la expectación fue total hasta el ultimo momento con un publico entregado por el reconocimiento del gran esfuerzo para realizar esta exitosa gala musical

Ver fotos

Los Secretos en Acústico en el Auditorio Municipal

El auditorio vibro con un aforo lleno bajo el ritmo de esta mítica banda que ya con mas de 30 años en la musica  sigue siendo un referente del pop español

ver fotos

Fotografías del día grande de las San Lucas

Miles de personas tuvieron como referente a Mondoñedo para disfrutar de la feria más antigua de Galicia , acompañados de un tiempo que dejo que la ciudad reluciera en un día tan señalado como es el 18 de Octubre

Ver fotos

Primeras fotos de las San Lucas

Inauguramos el álbum de las San Lucas con las primeras fotos del viernes, donde ya tuvo  lugar  un sin  fin  eventos , como la ofrenda al Mariscal Pardo de Cela , representación de obra de teatro en la catedral y el  pregón en el auditorio ofrecido por Jenaro Castro Muiña

Ver fotos

Volver

 

 

 

 

 

Mondoñedo, 14 de outubro de 2015.- A alcaldesa de Mondoñedo, Elena Candia, fixo balance hoxe do número de visitantes que se desprazaron ata a localidade segundo datos recollidos pola Oficinal de Turismo no que vai de 2015 e que amosan un incremento anual no número de turistas de entorno ao 20%.

A alcaldesa cualifica o ano 2015 de “moi positivo”, feito que, segundo a popular, reafirma o compromiso do Goberno local, que aposta polo turismo “como o futuro de Mondoñedo”.

Dun xeito máis concreto, o informe cos datos xerais da Oficina de Turismo contabiliza entre os meses de xaneiro e setembro un total de 15.334 visitantes, fronte aos 13.182 do ano 2014 e aos 11.630 do 2013.

Se a análise se fai por meses, destaca o incremento no número de visitantes recibidos nos meses de xuño e setembro. En xuño, aumentan nun 34% o número de visitantes contabilizados pola Oficina de Turismo, mentres que en setembro foron un 21% máis o número de persoas que se decidiron por visitar a localidade.

Estes datos refírense a visitantes (individuais, familias, peregrinos e  grupos) que pasan pola Oficina de Turismo. Polo tanto, hai que ter en conta que durante os meses de xullo e agosto a Oficina de Turismo non xestionou directamente o albergue e a maiores, é moi importante facer fincapé noutros datos como os dos turistas que visitan a Catedral, que superan os 34.000.

De todos os modos, “asúmese o 2015 como un ano moi positivo cun incremento acumulado anual no número de visitantes”, matiza Candia.  Neste senso,  a alcaldesa de Mondoñedo explica que o Goberno local “ten moi presente o turismo como un dos sectores dinamizadores da economía e polo que pasa o futuro do noso municipio”. Nesta liña de traballo de fomento do turismo, os populares materializaron iniciativas na oposición, como foi a celebración de diferentes xornadas co turismo como eixo central. No Goberno “é unha das nosas preocupacións, polo que faremos unha forte aposta por continuar a mellorar os puntos frouxos e facer do turismo unha fonte de riqueza para a localidade”.

Volver