O delegado do Goberno en Galicia, José Ramón Gómez Besteiro, visitou a comarca da Mariña onde mantivo varias xuntanzas coas candidaturas socialistas de Alfoz, O Valadouro e Mondoñedo e aproveitou para manifestar o seu desconcerto ante “ou discurso que está a facer ou PP”, tanto en Galicia e mesmo na Mariña “poñéndose a falar de Bildu e de cousas que a xente non entende a que veñen neste momento”. Besteiro retou aos populares a que acudan á comarca “para falar por exemplo de Alcoa, porque non se lles volveu oír dicir nada sobre iso”. Tamén cre que “sería interesante que dean algunha explicación” sobre o que pasou con Altri “esa empresa tamén deixou de falar sorprendentemente, debe ser por algo, porque non entendemos por que Na Mariña non fala de Altri. Terían que explicalo”, apuntou Besteiro. Así mesmo, mostrouse “moi orgulloso” de que en dez dos 16 concellos da comarca as mulleres sexan cabezas de lista das filas socialistas ás alcaldías. Ademais, o responsable socialista apuntou que ten moitas cousas en común con Pedro Sánchez “como a preocupación polas pensións que plantexaba o PSOE que subiu dun xeito moi importante, a oferta de máis FP Dual, a sanidade, a creación de infraestruturas ou os descontos. para autoestradas. Son moitas cousas boas coas que por suposto estamos con Pedro Sánchez”. Besteiro tamén considera que o que está a facer o PP é “confundir á xente con outros temas que o único que amosan é que non teñen ningún proxecto de futuro”. Un dos encontros que mantivo onte Besteiro foi coa candidatura socialista, encabezada por Esperanza González, quen quixo agradecer “o compromiso de Gómez Besteiro coa comarca e con Mondoñedo”. E no que respecta á súa vila enviou “unha mensaxe desde agarimo, e dicirlle alto e claro que en política non vale todo. Por iso, queremos reiterar o noso cariño e admiración por Besteiro aquí en Mondoñedo, e que contamos con el para construír o futuro de Galicia”. González engadiu que Besteiro é “un referente político e un líder con futuro, e dende logo a historia porá a cada un no seu lugar como está facendo agora. Aquí en Mondoñedo, en Lugo e onde sexa necesario”, remarcou
MONDOÑEDO: PROXECTOS PARA SEGUIR AVANZANDO A conselleira de Medio Ambiente, Territorio e Vivenda pechou o recorrido pola Mariña en Mondoñedo, onde participou nun mitin na Casa da Xuventude. O candidato popular a repetir na alcaldía, Manolo Otero, debullou o programa que presenta para estas eleccións, con especial atención ás propostas para a zona rural, os servizos sociais, o urbanismo, a vivenda e o medio ambiente. Con respecto a Vivenda e Urbanismo sinalou que se desenvolverán as obras previstas no Plan Rexurbe, tanto no que se refire ás vivendas como aos espazos público. Anunciou que se rematará a renovación do plan especial do casco histórico; remataranse tamén as obras do acceso norte na zona de Xiros. Na mesma liña comprometeu a mellora do acceso sur, a creación dunha senda segura para peóns entre San Lázaro, Coto da Recadieira e A Fervenza, ademais de mellorar a Rúa da Fonte entre o Seminario e a Avenida de Buenos Aires. O programa inclúe a renovación dos aseos públicos na Alameda e rematar as obras na Praza da Catedral. Por outro lado, comprometese a aumentar os puntos de recarga de vehículos eléctricos, mellora da limpeza do saneamento, minimización de perdas da rede de auga e melloras no servizo de limpeza.
Otero, en canto á zona rural, área prioritaria para os populares, destacou a continuidade do plan de renovación de firmes nas pistas rurais e asegurou que se traballará en colaboración da Xunta para crear franxas de seguridade contra incendios forestais, mellorarase a sinalización de núcleos, acelerarase a instalación de fibra óptica e intervirase para mellorar a seguridade na Ponte do Arco en Masma. En canto a servizos sociais anunciou a posta en marcha de apartamentos tutelados e dunha vivenda de emerxencia, así como a creación do Programa de Maiores en Soidade, entre outras iniciativas.
Pola súa parte, o coordinador xeral do PP da provincia de Lugo, José Manuel Balseiro, destacou que Mondoñedo “tivo unha gran alcaldesa e ten un gran alcalde”. Este concello, debido a xestión dos gobernos populares, “tivo un cambio moi importante, en positivo, moi favorable aos veciños e veciñas e o importante é que siga nesta senda”.
A responsable de Medio Ambiente, Territorio e Vivenda do Goberno galego, Ángeles Vázquez; e o coordinador xeral do PP lucense, José Manuel Balseiro; intervirán nun mitin xunto ao candidato do PP á alcaldía de Mondoñedo, Manolo Otero. Ás 21.00 horas na Casa da Xuventude.
Esperanza González: “Como socialista e como veciña do Barrio dos Muíños para min é un autentico privilexio encabezar a candidatura socialista de Mondoñedo, porque creo sinceramente que dende a política local poden cambiarse moitas cousas, pero contando sempre coa colaboración da veciñanza e unindo esforzos entre todos”
-“O noso Concello non pode gobernarse desde Lugo, a veciñanza de Mondoñedo ten dereito a ter un futuro digno, cun goberno de homes e mulleres que resolvan os problemas das nosas parroquias e dos nosos veciños e veciñas”, din os socialistas
-“Nestes intres, o Concello está literalmente manga por hombro, sen un plan de limpeza, sen o adecentamento dos espazos verdes e das rutas, cunha mermada xestión económica que inclúe a perda de subvencións”
No que se refire a candidatura socialista de Mondoñedo está composta por un total de 12 persoas, nas que hai destacar catro novas incorporacións, así como a volta a política municipal de Modesto Díaz García, que volve a participar na lista como número 3
Mondoñedo (Lugo), 26 de abril de 2023. Esperanza González Martin repite como candidata socialista á alcaldía de Mondoñedo “e acompáñame un grupo de veciñas e veciñas, con gran experiencia na política municipal e con capacidade para xestionar o Concello”, na que se inclúen “novas incorporacións con xente moza da nosa cidade que ten ganas de sumarse a este proxecto progresista”.
“Como socialista e como veciña do Barrio dos Muíños para min é un autentico privilexio encabezar a candidatura socialista de Mondoñedo, porque creo sinceramente que dende a política local poden cambiarse moitas cousas, pero contando sempre coa colaboración da veciñanza e unindo esforzos entre todos”, remarcou Esperanza González Martín.
A candidata socialista avanzou que “Mondoñedo precisa centrarse en priorizar a creación de emprego, promover a actividade agrícola, gandeira e empresarial, impulsar o comercio local, dinamizar o tecido asociativo, fomentar o turismo e sobre todo políticas activas para atraer e fixar poboación no noso Concello”. “Nestes intres, o Concello está literalmente manga por hombro, sen un plan de limpeza, sen o adecentamento dos espazos verdes e das rutas, cunha mermada xestión económica que inclúe a perda de subvencións. Con obras estancadas e paralizadas como as da praza da Catedral ou a das Casa de Cultura, e sen unha definición das prioridades da vila. O PP actúa a golpe de redes sociais, sen pisar o terreo”, denuncian os socialistas. “O noso Concello non pode gobernarse desde Lugo, a veciñanza de Mondoñedo ten dereito a ter un futuro digno, cun goberno de homes e mulleres que resolvan os problemas das nosas parroquias e dos nosos veciños. E favorecendo sempre a equidade en tódalas recunchos do noso pobo, sen favoritismos. Temos que impulsar políticas e iniciativas progresistas que contribúan a mellorar a calidade de vida da nosa veciñanza, sen deixar fóra a ninguén,” dixo González. Modesto Díaz García número 3 en Mondoñedo No que se refire a candidatura socialista de Mondoñedo está composta por un total de 12 persoas, nas que hai destacar varias incorporacións, así como a volta a política municipal de Modesto Díaz García, que volve a participar na lista electoral como número 3. “Preséntome de novo ás eleccións porque pedíronmo moitos veciños e veciñas de Mondoñedo, tamén os meus compañeiros de partido, e por suposto, porque creo coa experiencia que teño poido aportar moito para xestionar ben o noso Concello. Hai que mellorar moitas cousas, a limpeza o primeiro, así como contar co persoal suficiente para traballar comezando por cubrir tódalas vacantes que existen na plantilla municipal, e coordinar tódolos servicios con seriedade e con responsabilidade e con educación. E escoitando a todos e cada un dos veciños das parroquias de Mondoñedo, todos importan”, dixo Modesto Díaz García.
Nos primeiros postos da lista Esperanza González está acompañada por Francisco Domenech Fanego como número 2, foi sindicalista e traballador de FINSA. O ex tenente de Alcalde de Mondoñedo, Modesto Díaz García será o número 3; o auxiliar de farmacia e Presidente de Mondoñedo F.C, Manolo Barreira García como 4 e a 5 será a ex-concelleira socialista e profesora e veciña de Argomoso, Magdalena Domenech Gruñeiro.
4 novas incorporacións Pablo García Otero é o numero 6 da candidatura socialista, ten 34 anos, pai de dúas crianzas. É un gran defensor dos animais, por iso demanda a construción dunha instalación para o benestar animal no noso Concello. Incorporase por primeira vez ás filas socialistas, traballa nunha empresa distribuidora da mariña. O número 7, Alejandro Barreira García o máis novo da lista electoral, ten 18 anos, estudante na USC do Dobre Grao en Xornalismo e Comunicación Audiovisual. Está implicado en moitos proxectos de Mondoñedo, sobre todo nos relacionados co mundo da música, onde tamén destaca como compositor. A número 8 é Alexandra Lopez Rodríguez, que repite na lista, desenvolve o seu traballo como socióloga e traballadora social no centro sociocomunitario de Mondoñedo. O numero 9 é para o veciño de San Vicente que tamén repite, Miguel Chao Miguez é gandeiro, axitador cultural e ecoloxista convencido. O posto número 10 é para outra nova incorporación na candidatura socialista, Marisa Marcos Prieto, veciña dos Remedios, traballa como administrativa, pero confesa que o traballo máis importante que ten é ser nai de familia numerosa. O 11 é Concepción Becerra Bouso a veterana da candidatura, da familia do Llano, mestra xubilada. E pecha a candidatura Fernando Anello López, veciño da parroquia do Carmen e residente en Viñas da Veiga. A Agrupación Socialista de Mondoñedo tamén quere agradecer o traballo e a implicación que desenvolveu a longo destes anos o concelleiro, José Luís García García, que non continua por motivos persoais. Do barrio dos Muíños Esperanza González Martín. Naceu en Tudela (Navarra), 1974, é a terceira de seis irmáns e vive no barrio máis importante e pomposo de Mondoñedo, os Muíños. Licenciouse en Periodismo na Facultade de CC da Comunicación da USC (2003). En maio do 2014 formou parte da corporación mindoniense sendo tenente de Alcalde e concelleira da area de servizos. Comezou a súa carreira xornalística no ano 2002 na Voz de Galicia (Santiago) como reporteira gráfica. Tamén realizou prácticas na cadena Cope (Coruña), e na TVG (Santiago). No ano 2006 incorporouse á redacción do xornal La Opinión de A Coruña, e un ano máis tarde, no 2007 á delegación da TVG en Lugo. Nese mesmo ano pasou a formar parte do Gabinete de Comunicación da Secretaría Xeral de Medios, sendo presidente da Xunta, Emilio Pérez Touriño. Dende aquí deu o salto ao grupo parlamentario socialista da man do deputado autonómico Ismael Rego, onde traballou como xornalista ata o ano 2012.Traballou en tódalas campañas electorais do PsdeG-PSOE, e na campaña das europeas co candidato galego do PSOE, Jose Blanco. Foi membro do Consello Asesor CRTVG e RTVE-G. Actualmente traballa no gabinete do Presidente da Deputación de Lugo, José Tomé Roca.
Candidatura do PSdeG ás eleccións municipais de Mondoñedo
María Esperanza González Martín Francisco Domenech Fanego Modesto Díaz García Jose Manuel Barreira García Magdalena Domenech Gruñeiro Pablo García Otero Alejando Barreira García Alexandra López Rodríguez Miguel Chao Míguez María Luisa Marcos Prieto María Concepción Becerra Bouso Suplente; Fernando Anello López
Otero Legide di que a lista do PP para as eleccións locais acumula experiencia na xestión municipal e está pensada para avanzar rápido no desenvolvemento do proxecto popular para Mondoñedo
O candidato a repetir na alcaldía explica que a lista incorpora a Armando González Barreira e Miguel Ángel Arias García, así como a tres persoas que nas pasadas eleccións foron suplentes: Pilar Díaz Fernández, Ana Mel López e María Milagros Martínez Rivas
Manuel Ángel Otero di que, coa lista que se presentou onte, queda claro que o PP quere retomar o traballo que veu facendo nos últimos oito anos dende o primeiro día do novo mandato e mantendo o ritmo habitual
O alcalde e candidato destaca que o realmente importante é o equipo co que se conta e destaca a capacidade de traballo e o bo entendemento entre os membros do grupo
O PP de Mondoñedo deu a coñecer na noite de onte, na finca San Antonio, a súa candidatura para as próximas eleccións locais, convocadas para o 28 de maio. O candidato á alcaldía é o actual alcalde, Manuel Ángel Otero Legide, que enfila a carreira electoral coa experiencia do tempo que leva á fronte do Concello, dende a renuncia de Elena Candia, e coa acumulada durante os anos que desempeñou á tenencia de alcaldía. Otero Legide di que é unha lista de xente con experiencia, continuista, deseñada para avanzar rápido e seguro na execución do proxecto do PP para Mondoñedo e para empezar a traballar dende o primeiro día. Na presentación participaron distintos membros da dirección provincial do partido, entre outros, a presidenta, Elena Candia, e o coordinador xeral, José Manuel Balseiro.
A popular é unha lista con poucos cambios. Rexistra a incorporación de dúas persoas: Armando José González Barreira (número 7) e Miguel Ángel Arias García (número 9). Procedentes da lista de suplentes das anteriores eleccións, incorpóranse María del Pilar Díaz Fernández (número 8), Ana Mel López (número 10) e María Milagros Martínez Rivas (número 11). Polo demais, hai algún movemento cara arriba con respecto á lista de 2019 e sigue no posto número 6 Alberto García Fernández.
O candidato do PP á alcaldía de Mondoñedo, Manuel Ángel Otero Legide (Mondoñedo, 1960), ao que os seus veciños coñecen por Manolo de Xannetos, chegou ao Concello como número dous da lista que encabezaba Elena Candia para as eleccións municipais do 2015. Repetiu posición nos comicios do 2019 e, coa renuncia de Candia á alcaldía, para presentarse ás máis recentes eleccións autonómicas, asumiu á alcaldía. É, polo tanto, un veterano á fronte do Concello. Destaca a experiencia da maior parte dos que o acompañan na lista e di que o traballo e os éxitos, se os hai, “son froito dun equipo, de traballar en equipo”. Engade: “Xa temos o ritmo collido”. No caso de revalidar a alcaldía, o obxectivo, dito a grandes rasgos, é “dar continuidade ao traballo iniciado, como viñemos facendo dende hai oito anos”
Para Otero Legide é prioritario seguir avanzando na mellora e ampliación dos servizos sociais, así como completar as realizacións no ámbito da ordenación urbana, en xeral, e en especial do casco histórico. Nesta liña, a rehabilitación de inmobles é unha parte fundamental. Lembra que nestes anos pasados foi aprobado o PXOM e que será de gran importancia a aprobación do plan especial do casco histórico. Destaca a relevancia de conseguir no seu momento a declaración de Área de Rehabilitación Integral e o Plan Rexurbe. Otero pon de relevo a importancia que o PP dá a zona rural. “Para nós está no centro das nosas políticas; sempre foi unha prioridade; queda demostrado no traballo que levamos feito na mellora das estradas municipais”
Outra faceta de gran relevancia, segundo indica o alcalde e candidato a repetir no cargo, é a promoción turística de Mondoñedo, do seu patrimonio; trátase -di- de seguir avanzando na liña que se veu seguindo dende que o PP asumiu a alcaldía con Elena Candia. Do mesmo modo que no impulso ao asentamento de empresas e a xestión da mellora das infraestruturas que, sen ser de titularidade municipal, dan servizo a Mondoñedo.
A LISTA NOME A NOME
1.- Manuel Ángel Otero Legide 2.- María Ángeles Rodríguez Rico; 3.- José Otero Rejes 4.- Manuel Tapia Rivera 5.-María Patricia Otero Doural 6.- Alberto García Fernández 7.- Armando José González Barreira 8.- María del Pilar Díaz Fernández 9.- Miguel Ángel Arias García 10.- Ana Mel López 11.- María Milagros Martínez Rivas
Suplentes: .-José Ramón Díaz Barreira .- María Gervasia Cabanas Eiras .-María Amparo Anello Gil .-Luis Otero Pena .-Luciano Javier Folgueiro Lorigados .- Pablo Redondas Losada .-María del Carmen Cillero Méndez
