Categoría: Actualidad

NOTA DE PRENSA
Mondoñedo, 28 de xuño de 2013. O auditorio de Mondoñedo acolleu, onte xoves día 27, a festa de fin de curso da Escola de Musica Municipal “O Pallarego” da cidade,  que dirixe Xan Carbalall, e onde tamén imparten docencia Xulia Nogueira e Ruben Solloso.

Mais de 60 alumnos, con idades comprendidas dende os 8 anos ata os 72 anos, participaron no festival interpretando pezas como o Rey Leon, DO RE MI e bandas sonoras de diversos filmes. Pero os mais pequenos da Escola foron os auténticos protagonistas do Festival, amosando moita destreza con distintos instrumentos e moito entusiasmo.

Na escola de musica mindoniense impártanse clases de vento, corda e percusión, con instrumentos como a trompeta, trompa, clarinete, saxo, batería, marimba, violín e timbal entre outros.

O director Escola de Musica anunciou ademais que o vindeiro sábado día 29 en Ribadeo, e o domingo 30 en Mondoñedo, as bandas de música de Ribadeo e Mondoñedo actuaran por primeira vez conxuntamente, realizando así un intercambio entre estas dúas bandas da Mariña.

Carballall cualificou de “moi positivo” a celebración deste pequeno festival. Dixo que “os rapaces están sempre dispostos a colaborar, e están entusiasmados ca súa primeira actuación”. Pero sobre todo subliñou “a socialización” que conleva esta actuación. “Hoxe en día – explicou- movémonos individualmente, pero acontecementos coma este serven para que valoren e desfruten da capacidade de traballar en equipo.”

Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate

Con motivo de la clausura oficial de las escuelas deportivas , tendrá lugar una gran cena baile en el pabellón municipal de Viñas Da Veiga, este Sábado a las 22.00 h , el grupo “Vallibria” sera el encargado de poner el toque musical a este evento.

Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate

Ás doce menos cuarto da mañá a expedición integrada por medio cento de alumnos, alumnas e profesoras foi recibida na Alameda dos Remedios polo coordinador da Plataforma “Comarca de Mondoñedo Unida”, José Luís Fernández Ansedes quen lles falou sobre a primeira Festa da árbore que se celebrou nese lugar o 4 de febreiro de 1569.

De seguido, a expedición desprazouse ata a Centro cultural de Alcántara (coñecido popularmente como A casa da xente), onde foron recibidos polo tenente alcalde e concelleiro de cultura mindoniense, Xusto Fernández Haro. Neste edificio, que outrora fora a igrexa do mosteiro dos monxes alcantarinos, hai unha exposición permanente sobre a vida e a obra de músicos e escritores mindonienses.

A ruta turístico-literaria parte deste punto e desde alí, os da cidade das murallas, foron guiados por Xe Freyre e Fran Bouso por diferentes lugares vinculados coa vida e obra do médico e poeta mindoniense, a quen lle foi adicado o Día das Letras Galegas do ano 1981.

Ao longo do percorrido non faltaron referencias a outros escritores, investigadores, músicos, artistas plásticos e personaxes históricos de Mondoñedo como Álvaro Cunqueiro, Noriega Valera, Lence Santar, Pascual Veiga, Pacheco, Juan Puchades, Marina Mayoral ou Antón Meilán.

Logo de camiñar pola rúa Manuel Leiras Pulpeiro onde se atopan as casas nas que viviu e finou o escritor, pasaron pola antiga Sociedade de Obreiros Católicos (na cal exerceu como médico), a rúa Febrero (onde está a casa natal), fonte vella e praza da Catedral (lugares vinculados á súa obra), rúa da ponte (bordeando as murallas medievais mindonienses) para chegar ao Cemiterio Vello e alí depositar rosas “roxas” na lápida do poeta republicano, masón e anticlerical.

No Cemiterio Vello, actualmente reconvertido en parque, puideron visitar as tumbas de Cunqueiro, Veiga, Pacheco, entre outros. Desde este punto partiron en autobús ata o Coto da Recadieria onde continuaron camiño a pé pola senda que leva á área recreativa de A Fervenza pola Ponte dos Carabullos.

Logo de visitar os restos das instalacións da primeira central hidroeléctrica que funcionou en Mondoñedo a finais do século XIX (foi inaugurada o 19 de marzo de 1893), puideron gozar dun xantar campestre no merendeiro da piscina fluvial para, xa pola tarde, participar nunha competición de xogos populares.

Ao longo do percorrido, alumnos, alumnas e profesoras, foron lendo poemas de Leiras que facían referencia aos lugares que ían visitando.

Pódese ver unha reportaxe fotográfica pinchando máis abaixo en “Galería fotográfica”.

Galería fotográfica

Volver a inicio
mindonium.es “el portal de todos los Mindonienses”
Te gustaría recibir las publicaciones en tu correo? Regístrate